
Ayni damda Surxondaryo viloyati pedagogik mahorat markazida mentor-o‘qituvchilarning kasbiy va metodik kompetensiyalarini rivojlantirishga qaratilgan trening mashg‘ulotlari davom etmoqda.
Treningning ikkinchi kunida ishtirokchilar zamonaviy ta’lim jarayonini samarali tashkil etish, pedagogik yondashuvlarni amaliyotga tatbiq etish hamda o‘qituvchining kasbiy faoliyatini takomillashtirishga qaratilgan amaliy mashg‘ulotlarda faol ishtirok etmoqdalar.
Mashg‘ulotlar davomida pedagogik refleksiya, inklyuziv ta’lim, baholash, xalqaro baholash dasturlari va ta’lim jarayonida sun’iy intellektdan samarali foydalanish kabi dolzarb yo‘nalishlar bo‘yicha bilim va ko‘nikmalar mustahkamlanmoqda.
Treningda Surxondaryo viloyatidagi umumta’lim maktablaridan mentor sifatida tanlab olingan 388 nafar o‘qituvchi ishtirok etmoqda.



