
2026-yil 22-aprel kuni Surxondaryo viloyati pedagogik mahorat markazida “O‘zbekiston Respublikasida sifatli maktabgacha ta’limdan foydalanish imkoniyatlarini kengaytirish” loyihasi doirasida tashkil etilgan seminar-trening o‘z yakuniga yetdi.
Mazkur tadbir O‘zbekiston Respublikasi Maktabgacha va maktab ta’limi vazirining 2025-yil 17-iyundagi 201-sonli buyrug‘iga muvofiq, Islom taraqqiyot banki moliyaviy ko‘magida hamda UNICEF va vazirlik hamkorligida amalga oshirilayotgan “Nodavlat maktabgacha ta’lim muassasalari tarmog‘ini davlat-xususiy sheriklik asosida rivojlantirish” loyihasining ikkinchi komponenti doirasida tashkil etildi.
20–22-aprel kunlari davom etgan mazkur seminar-treningda maktabgacha ta’lim yo‘nalishidagi pedagoglar faol ishtirok etib, zamonaviy pedagogik yondashuvlar asosida ta’lim sifatini oshirishga qaratilgan amaliy ko‘nikmalarni mustahkamladi.
Tadbir yakunida ishtirokchilarga sertifikatlar topshirildi.



