Qodirov
Umarali Do‘stqobilovich 1974–yil 16–oktabrda Surxondaryo viloyati Muzrabot tumanida tug‘ilgan.
1996–yilda Termiz davlat universitetini, 2016–yilda
O‘zbekiston Respublikasi Prezidenti huzuridagi Davlat boshqaruvi akademiyasini
bitirgan. Psixologiya fanlari doktori, professor. O‘zbekiston Respublikasi
Vazirlar Mahkamasi tarkibidagi tuzilmalarda, Xalq taʼlimi vazirligida hamda
viloyat hokimligida faoliyat olib borgan. 2018–yil
20-iyuldan Surxondaryo viloyati xalq taʼlimi xodimlavrini qayta tayyorlash va
ularning malakasini oshirish hududiy markazi, 2022–yil
28-iyundan viloyat pedagoglarni yangi metodikalarga o‘rgatish milliy markazi
direktoridir.
2021-yilda
Surxondaryo viloyati Pedagogika markazi O‘zbekiston Respublikasi Vazirlar
Mahkamasi huzuridagi taʼlim sifatini nazorat qilish davlat inspeksiyasi
tomonidan o‘tkazilgan malaka oshirish va qayta tayyorlash taʼlim
muassasalarining attestatsiyasi natijalariga ko‘ra malaka oshirish yo‘nalishlari
bo‘yicha turdosh taʼlim muassasalari orasida eng yuqori, yaʼni 96.4 foiz natija
bilan attestatsiyadan muvaffaqiyatli o‘tgan.
U.Qodirov o‘qitishning
zamonaviy usullari, zamonaviy pedagogik va axborot kommunikatsiya
texnologiyalaridan hamda multimedia taʼlim resurslaridan foydalangan holda anʼanaviy,
masofaviy malaka oshirish hamda qayta tayyorlash taʼlimi tinglovchilari, Termiz
davlat universiteti, Termiz davlat pedagogika instituti, Аndijon davlat pedagogika instituti, Buxoro psixologiya
va xorijiy tillar instituti talabalari uchun yuqori ilmiy va o‘quv-uslubiy
saviyada maʼruza kurslarini, magistratura talabalariga ilmiy rahbarlik
faoliyatini olib bormoqda.
U.Qodirov
2005-yildan hozirgi kunga qadar 2 ta ilmiy-amaliy va fundamental loyihada
rahbar, 6 ta loyihada ishtirokchi sifatida faoliyat yuritgan. Uning 200 dan
ortiq ilmiy ishlari respublikamiz hamda Rossiya Federatsiyasi, Buyuk Britaniya,
Chexiya, Аvstriya
singari davlatlarda nashrdan chiqqan. U 2021-yilning
28–29-oktabr kunlari Tojikiston Respublikasining Dushanbe shahrida o‘tkazilgan
MDHga aʼzo davlatlar taʼlim tizimi xodimlarining 6-syezdida O‘zbekiston
Respublikasi delegatsiyasi aʼzosi hamda I Xalqaro pedagogik mahorat
festivalining ishtirokchisi sifatida ishtirok etgan.
U.Qodirov O‘zbekiston
Respublikasi Prezidentining “Ustoz” jamg‘armasi granti sovrindori, Xalqaro “Аntik dunyo” akademiyasining akademigi, “Turon” Fanlar
akademiyasining akademigi va prezidiumi aʼzosi, Yevropa ilmiy va sanoat
konsorsiumi tomonidan taʼsis etilgan “Yevropa sifati” oltin medali sohibi, O‘zbekiston
Respublikasi Xalq taʼlimi aʼlochisi, O‘zbekiston Respublikasi OАK ro‘yxatidagi “Zamonaviy taʼlim” ilmiy jurnali Bosh
muharrir o‘rinbosari, “Xalq taʼlimi: muammolar, izlanishlar, yechimlar”,
“Psixologiya”, “Buxoro psixologiya va xorijiy tillar instituti axborotnomasi”,
Rossiya Federatsiyasida nashr etiladigan “Vestnik sovremennoy nauki”,
“Internauka”, Kanadaning Toronto shahrida nashr qilinadigan “Intellectual
archive” ilmiy-nazariy jurnallarining tahrir hayʼati aʼzosidir.
U.Qodirov
tomonidan ikki yuzdan ortiq ilmiy va publitsistik maqola, 3 ta darslik, 1 ta
monografiya, 16 ta o‘quv-uslubiy qo‘llanma va dastur chop qilingan. Umarali
Qodirov O‘zbekiston Respublikasi Аdliya vazirligi huzuridagi Intellektual mulk agentligi
tomonidan tan olingan “Destruktiv xulq psixoprofilaktikasi” nomli ilmiy
tushuncha (№003467 raqamli guvohnoma, 2021-yil 30-aprel), “O‘qituvchining
psixologik kompetensiyasi” nomli atama (№003910 raqamli guvohnoma, 2021-yil 5-noyabr)
muallifidir.
U.Qodirov
Toshkent davlat pedagogika universiteti hamda Buxoro davlat universiteti
psixologiya fanlari bo‘yicha ilmiy darajalar beruvchi Ilmiy kengashlari
huzuridagi Ilmiy seminarlar raisi, O‘zbekiston Milliy universiteti huzuridagi
psixologiya fanlari bo‘yicha ilmiy darajalar beruvchi Ilmiy kengash raisi o‘rinbosari,
Tojikiston Respublikasi Xo‘jand davlat universiteti huzuridagi bir martalik
psixologiya fanlari bo‘yicha ilmiy darajalar beruvchi Ilmiy kengash, O‘zbekiston
Milliy universiteti, Nizomiy nomidagi Toshkent davlat pedagogika universiteti,
Buxoro davlat universiteti, Toshkent Islom universiteti hamda “Mahalla va oila”
ilmiy-tadqiqot instituti huzuridagi psixologiya fanlari bo‘yicha ilmiy
darajalar beruvchi Ilmiy kengashlar aʼzosi sifatida faoliyat yuritgan. U ayni
vaqtda Nizomiy nomidagi Toshkent davlat pedagogika universiteti va Buxoro
davlat universiteti huzuridagi ilmiy kengash va ilmiy seminarlar aʼzosi
hisoblanadi.
U.Qodirov O‘zbekiston
Respublikasi Prezidenti huzuridagi Xavfsizlik kengashining maxsus Ishchi guruhi
hamda O‘zbekiston Respublikasi Oliy attestatsiya komissiyasi eksperti sifatida
ham faoliyat yuritgan.
U o‘z
faoliyati davomida Xalq taʼlimi vazirligi va viloyat hokimligining faxriy
yorliqlari, bir necha xorijiy taʼlim vazirliklari hamda xalqaro
tashkilotlarning tashakkurnomalari bilan taqdirlangan.