![](https://pedagogikamarkazi.uz/wp-content/uploads/2023/02/image_2022-06-22_14-52-18-1.png)
Muqimov Alisher
Qabul vaqti: Har kuni (14:00 – 16:00)
E-mail: alisher.muqim@gmail.com
Telefon: +99899-582-59-10
Matbuot kotibining asosiy vazifa va funksiyalari:
– hududiy markaz rahbariyati tomonidan zamon talablariga muvofiq belgilanadigan axborot-siyosatini shakllantirish va amalga oshirishda ishtirok etish;
– axborot sohasidagi yagona davlat siyosatini amalga oshirish borasidagi Xalq ta’limi vazirligi axborot xizmati hamda davlat va jamoat tashkilotlarining axborot xizmatlari bilan samarali va amaliy hamkorlikni tashkil etish;
– keng jamoatchilikni hududiy markaz faoliyati va, uning sohaga doir normativ-huquqiy hujjatlari to‘g‘risida xolisona, sifatli va tezkor xabardor qilish;
– ommaviy axborot vositalari (keying o‘rinlarda OAV deb ataladi) bilan hamkorlik qilish, doimiy va hamkorlikda ishlaydigan jurnalistlar doirasini shakllantirish, axborot xabarlarini tarqatish;
– hududiy markazning veb-saytida axborotni tezkorlik bilan joylashtirish va o‘z vaqtida yangilab borish, internet tarmog‘idagi veb-resusrlarni, shu jumladan, ijtimoiy va mobil tarmoqlarni rivojlantirish;
– hududiy markaz faoliyatiga nisbatan aloqador matnli, foto, audio va videomateriallar ma’lumotlar bankini shakllantirish va yuritish.
Matbuot kotibi o‘ziga yuklatilgan vazifalarni amalga oshirish uchun quyidagi funksiyalarni bajaradi:
– OAVda, shu jumladan, internet tarmog‘ida axborot e’lon qiladi, shuningdek, ularni veb-saytlarda, hamma kirishi mumkin bo‘lgan xonalar va joylarga joylashtirish hamda yangilab borishni ta’minlaydi;
– hududiy markaz rahbariyati ishtirokida tadbirlar (majlislar, yig‘ilishlar, uchrashuvlar, seminarlar, matbuot anjumanlari, brifinglar, davra suhbatlari va boshqalar) tashkil etadi va o‘tkazadi;
– OAV ga taqdim etish zarur bo‘lgan axborotlarni hududiy markazning boshqa bo‘limlari bilan hamkorlikda to‘playdi va ularni puxta ishlaydi;
– hududiy markaz faoliyatiga doir masalalar bo‘yicha bosma materiallarni tayyorlaydi hamda teleko‘rsatuvlar va radioeshittirishlarni tashkil etadi;
– hududiy markaz faoliyati yoritilgan materiallarni belgilangan tartibda saqlash va ularning arxivlashtirilishini ta’minlaydi;
– hududiy markaz faoliyatiga doir foto, audio va videomateriallarni tayyorlaydi hamda ularni tayyorlash jarayonida davlat va nodavlat OAV lar bilan o‘zaro hamkorlik qiladi;
– o‘z vakolatlari doirasida milliy axborot agentliklari hamda OAV ning hududiy markaz faoliyati to‘g‘risidagi materiallarni tayyorlashda ko‘maklashish to‘g‘risidagi buyurtmanomalari va so‘rovnomalarini ko‘rib chiqadi.