
O‘zbekiston Respublikasi Vazirlar Mahkamasining 2025-yil 4-noyabrdagi 691-son qarori bilan tasdiqlangan 2025–2026-yillarga mo‘ljallangan chora-tadbirlar dasturiga muvofiq, malaka oshirish kurslari jarayonida pedagog xodimlar uchun “Qatag‘on qurbonlarini yod etish orqali yosh avlodni vatanparvarlik ruhida tarbiyalash” mavzusida mashg‘ulotlar tashkil etish belgilangan. Shu munosabat bilan joriy yilning 14-oktabr kuni Surxondaryo viloyati pedagogik mahorat markazida “Ijtimoiy-iqtisodiy fanlar metodikasi” kafedrasi professor-o‘qituvchilari tomonidan markaz tinglovchilari ishtirokida mazkur mavzuda davra suhbati o‘tkazildi. Suhbat davomida qatag‘on yillarida nohaq qurbon bo‘lgan ajdodlarimiz xotirasini e’zozlash, ularning hayoti va faoliyatini o‘rganish, tarixiy xotirani mustahkamlash hamda yosh avlodda vatanparvarlik, milliy g‘urur va sadoqat tuyg‘ularini shakllantirish masalalari muhokama qilindi.



